Шаир Пакизат Фатул­ла­евадиз «Дагъустан Рес­пуб­ли­кадин халкьдин ша­ир»­ тIвар гун за гуьзлемишиз, белки, 40 йисалай­ни­ гзаф я. Азиз Алема ва за санал са ка­бинетда­ кIва­лахзавай йисара­ ада ара-ара зав автордин тIвар алачиз редакциядин поч­­тадиз атанвай шиирар кIе­­лиз тадай ва абурун­ ери гьихьтинди, авторар­ вужар ятIа тайинарун патал фикир чирдай. Нубатдин сеферда Азиза зав гатфарин сифте марфадикай кхьенвай шиир кIелиз туна. Ханбиче, Минаят­, Ахцегьви руш — ваъ, и цIа­рар анжах Пакизатанбур­ хьунухь мумкин я, — ла­гьана­ за. Гьа йикъарилай гатIунна, хейлин йисара­ «Дагъустандин дишегьли» жур­­налдин редакторвиле кIвалахай Пакизата гьазурзавай вири макъа­лаяр зун патал чешне хьанай…

Илгьамдикай пай гайи вах,

Цаварилай гьай гайи вах.

Бажарагъни намус михьи,

Арифдаррин тай хьайи вах.

 Ваз гьуьрметзавай Казим Казимов

_________________________________

Чи кIелзавай вирибуруз истеклу шаир, публицист, яргъал йисара лезги чIалал «Дагъустандин дишегьли» журнал кьиле тухвай бажарагълу редактор

Пакизат Бейдуллаевна Фатуллаевадиз «Дагъустандин халкьдин шаир» лагьай гьуьрметдин тIвар гун ам чидай вирибуру теб­рикзава.

Шад хабарди икI

Шад авурла рикI,

Де ийидач гьикI

На и кар тебрик!

 

Халкьдин рушни яз,

Халкьдин шаирни,

Важиблу Указ

Хьайи эхирни.

Мад фирай цавуз

Ви гьуьрметрин арш.

Устадвал, шаксуз,

Я чи халкьдин ярж!

 

Чи гьуьрметлу вах,

Ви тIварцIи паклу

Тазвач садни чахъ

Суалар шаклу!

ЦIийи йис тебрикзавай Мерд Али Жалилов,

Къурбан Акимов, Азедин Эсетов,

Арбен Къардаш, Максим Алимов ва масабур.