Россиядин  Президент Владимир Путинан къарардалди Мегьарамдхуьруьн райондин Ярагъ-Къазмайрин юкьван умуми образованидин М.Ярагъвидин тIварцIихъ галай мектебдин  хайи чIалан ва литературадин  муаллим Магьият Гьадисовна Жаруллаевадиз «Россиядин Федерациядин лайихлу муаллим» лагьай гьуьрметдин тIвар ганва.

Муаллимдиз и агалкьун шад гьалара Дагъустан Республикадин Гьукуматдин Председатель Абдулмуслим Абдулмуслимова тебрикна. Ада къейд авурвал, муаллимдин ва насигьатчидин пеше вири девирра виридалайни гзаф гьуьрмет авайди, баркаллуди я. «ЧIугвазвай баркаллу зегьметдай квез  рикIин сидкьидай чухсагъул лугьуз кIанзава заз, -лагьана ада.

Муаллимдиз тебрикар авурбуру къедзавайвал, пешедин рекье М.Жаруллаевадихъ  хьанвай агалкьун – им неинки тек са халкь, гьакI вири дагъустанвияр патал шадвал ва дамахдай себеб я.