Бине Кьурагь райондин Кьуьчхуьррин хуьряй тир Назим Нуьгьович Агъамоваз:

Нуьгь бубадин буйругъдалди,

Ханагъа дидед кIанивилел,

Яран йифер алукьдалди,

Атана вун лезги чилел.

 

Марфар къвазвай абулейсан,

Артухардай берекатар.

Атайвиляй къадим инсан

Гурлу тир шад мярекатар.

 

Суфрадаллай савун сикIер,

Таза тIачни михьи дуьдгъвер.

Ярхарнавай жунгавни гьер,

Кьуьчхуьрвийрин куьк тир кефер.

 

Акваз-такваз алатна вахт,

Къе уьмуьрдин са пай я ви.

ТIалабзава Худадивай бахт

Назимаз чи аманеви!

 

Тебрик я ваз хайи йикъан,

Кьуьчхуьрви хва Назим стха.

Ийидач кар рикIиз такIан,

КIевевайдаз я вун арха.

 

Дустар я ви ягьни намус,

Мергьяматдив ацIай тапус.

Чара извай табни турус

Зегьметкеш я нотариус.

 

Напаквални виждансузвал

Ви ивидин душманар я.

Асуллувал, гъейратлувал

Ваз хас кьилин лишанар я.

 

Абад я ви хайи уба,

Чинеругрин муг Хъартасар!

Кьуьчхуьрви яз чIехи буба,

Виринрава ваз миресар.

 

Ви тавази, дадлу хуьрек,

Саврухривай хуьзвай либас,

Гьар са карда даим зирек

Даях я ви Таиса свас!

 

Яшамиш хьухь ваз кIани кьван

ТIямар гваз лезетдалди.

Къазанмишна гьуьрмет кьакьан

На гьалалдин зегьметдалди.

 

Аллагьд патай бахтар гана,

Чандин сагъвал, бул пул хьурай.

Виш суз уьмуьр гатфар хьана…

Ахпа кIантIа гьа зул хьурай!­

Вири мукьва-кьилийрин патай 55 йисан юбилей

мубарак авун патал тебрикдин тел кхьейди Моллакент хуьряй тир Саид Ибрагьимов я.