«Лезги газетдин» хсуси мухбир яз кIвалахзавай РД-дин культурадин лайихлу къуллугъчи, пешекар журналист,

Ахцегь райондин­ «ЦIийи дуьнья» газетдин кьилин редактор, чешнелу хизандин кьил

Дашдемир Шерифалиевич Шерифалиеваз:

 

Хъсан чидай тарихни чIал,

ГьикI дамахдач, лагь, чна вал?!

Вун садрани тахьуй бейгьал,

Къелемдин дуст, чи Дашдемир!

Мухбир яз вун тефей хуьрер

Лезгистанда аман мегер?!

Гьар къадамдик акатуй звер,

Къелемдин дуст, чи Дашдемир!

 

Гьар са очерк, гьар репортаж

Чрайбур я – мад гаф авач!

ВикIегьдаказ виликди вач,

Къелемдин дуст, чи Дашдемир!

 

Коллективдин патай тебрик

Кьабул вуна кьил кьуна тик!

Вири къастар квай ви рикIик

Кьилиз фирай, чи Дашдемир!

Ваз 65 йисан юбилей мубаракзавайди­­ ви хайи «Лезги газетдин» редакциядин коллектив я.