И йикъара Астрахандин госмедуниверситетдин 105 йис тамам хьуниз талукьарнавай мярекат кьиле фена. Вуздин муаллимриз ва студентриз и лишанлу вакъиа мубарак авурдалай кьулухъ, Астрахандин областдин губернатор Игорь Бабушкина университетдин са жерге къуллугъчийривни студентрив государстводин шабагьар вахкана.
Шад жедай кар ам я хьи, шабагьриз лайихлу хьайибурун арада чи ватанэгьли, бине Докъузпара райондин Миграгърин хуьряй тир машгьур хирург Элдар Абдурагьимович Кчибеговни ава.
Яргъал йисара здравоохраненидин хиле гьакъисагъвилелди зегьмет чIугунай медицинадин илимрин доктор, профессор Э.Кчибеговав И.Бабушкина Астрахандин областдин губернатордин патай – Разивилин чар, РФ-дин илимдин ва высший образованидин министерстводин патай Гьуьрметдин грамота вахкана.
«Лезги газетдин» редакциядин коллективди чи машгьур ватанэгьлидиз нубатдин агалкьунар мубаракзава.
