Текиви хва, Докъузпара райондин собранидин депутат, хийирлу крарин меценат, дустарал рикI алай дуст, къени хизандин кьил Борис  Агъакеримович  Агъакеримоваз:

ПIир Гьасанан ферли велед,

Шарвили хьиз, халкьдин белед,

Сагъ хьурай вун, галаз эвлед,

Кисвал течиз гьич са муьгьлет !

 

Куькда хьурай хуьруьн шартIар,

Гъетери гуз михьицIарцIар.

Берекатрин гурлу вацIар

Агакьрай квев, квадриз яцIар!

 

Мугьманрив гваз гьар са утагъ,

Гьейран хьурай квел Яру дагъ,

Гьамиша шад, гьамиша чагъ,

Гилгьи хуьрай квел чими рагъ!

 

Вирибуруз — мукьва варис, —

Яшамишрай Теки Борис!

Вун хайи югъ — юбилей ва Майдин суварарни мубаракзавай Мерд Али, адан хизанар, ярар-дустар, багърияр, ви хизанни галаз.