29-мартдиз Сулейман-Стальский райондин администрацияда райондин лап хъсан муаллимрив РФ-дин образованидинни илимдин министерстводин патай шад гьалара шабагьар вахкунин мярекат кьиле фена. И гьакъиндай «Лезги газетдиз» муниципалитетдин пресс-къуллугъди хабар гузва.

Кьилди къачуртlа, чпин алакьунар уьлкведин дережада къейднавай 23 муаллимдив «Сулейман-Стальский район» МР-дин кьил Нариман Абдулатипова лайихлу шабагьар вахкана. Са жерге муаллимар «РФ-дин образованидин хилен лайихлу къуллугъчи» тlварцlин ва РФ-дин образованидинни илимдин министерстводин грамотайрин сагьибар хьана.

Райондин кьил Нариман Абдулмуталибова муаллимриз агалкьунар мубаракна ва абурухъ мягькем сагъламвал, сабур ва регьят тушир кlвалахда мадни чlехи агалкьунар хьана кlанзавай келимаяр лагьана.

«Лезги газет»