«Квез чидани?» рубрикадай

Чи йикъарин Подмосковьедин мулкарал 20 агъзур йис идалай вилик къадим заманайрин инсанар яшамиш хьана.

Москвадин областдин виридалай­ни куьгьне шегьер Волоколамск я. Адан бине 1135-йисуз Волок Ламскийдин тIвар­цIихъ галаз алакъалу яз кутуна. «Яшдал» гьалтайла, и шегьер Москвадилай 12 йисан чIехи я.

1610-йисуз князь Дмитрий Пожарскийди Зарайскда II Лжедмитрийдин асивилин гьерекатар явашарна. Гуьгъуьн­лай, 1611-йисуз, халкьдин ополченидин кьиле акъвазна ва Москва полякрикайни литвавийрикай азад авун патал гьерекатар кьилиз акъудна.

Солнечногорскда ХVII асирда «Мос­к­ва — Петербург» шегьредал эцигнавай­ императордин имарат сагъдиз ама.

Ногинскда 1924-йисуз, дуьньяда сад лагьайди яз, В. Лениназ памятник эцигна.

Бутовский полигон Москвадин регионда Сталинан репрессийрик акатай гзафбуруз санал гуьлле гайи, абур санал кучукай чка я.

1934-йисуз Серпуховдин кремль Москвадин метрополитен эцигун патал чукIурнай.

Москвадилай ала­тай­ла, Москвадин область Рос­сиядин субъектрикай ви­ридалайни гзаф инсанар яшамиш жезвай чка я.

Москвадин област­дин майданди 44,329 квад­ратный километр кьазва. Гекъи­гайла, анаг бязи уьл­квейрин умуми майдандилай еке я.

Москвадин областдин жуьреба-жуьре районра гьа са жуьредин тIварар алай хуьрер ава.

Москвада ва санлай областда 20 миллиондилай виниз инсанар яшамиш жезва. Кьилди къачуртIа, Подмосковьеда­ агьалийрин кьадар 7,7 миллиондив агакьнава.

Балашиха Москвадин областдин лап чIехи шегьеррикай сад я.