«Лезги газетдиз» чи подписчикрикай сада хабар гайивал, СтIал Сулейманан райондин Кьулан СтIалрин хуьруьн юкьван мектебдин ученик Мирзехан Алибалаев обществознанидай уьлкведин дережада аваз кьиле фенвай олимпиадада гъалиб хьанва.

Къейд ийин хьи, и олимпиада РФ-дин образованидин министерстводин сиягьда ава ва адан финал ФСБ-дин Академиядин бинедаллаз тешкилнавай.

Лагьана кIанда, Мирзехана тарихдай ва обществознанидай тарсар гузвай муаллим Назлухалум Халидовна я.

ЦIинин гъалибвили алакьунар авай жегьилдиз къведай йисуз олимпиададин сифтегьан этапра иштирак тавуна, гьасятда финалдиз экъечIдай мумкинвал ганва.

Къуй Мирзеханахъ мадни еке агалкьунар хьурай!

«Лезги газет»