Мегьарамдхуьруьн райондин пуд хуьруьн мектебриз гьукуматдин патай улакьар чара авунва. 30-январдиз Мегьарамдхуьруьн 1-нумрадин, Гъепцегьрин ва Хтун-Къазмайрин хуьрерин мектебрин директоррив цIийи автобусрин куьлегар вахкуниз талукьарнавай шадвилин мярекат кьиле фена.

Муниципалитетдин кьил Фарид Агьмедова шад гьалара абурув куьлегар вахкана ва аялриз ихьтин савкьатар авунай РД-дин Кьил Сергей Меликован, республикадин образованидин ва илимдин министр Яхья Бучаеван тIварарихъ разивилин келимаяр лагьана.

Къейд ийин хьи, цIийи улакьар себеб яз, мектебриз, яргъал мензилар атIуз, физвай аялриз гила регьят жеда.

Агьмед Магьмудов