Республикадин кьил В. Васильеван теклифдалди арадал гъанвай «100 мектеб» проектрин сергьятра аваз, Докъузпара райондин Къалажух ва Къаракуьре хуьрерин мектебрин дараматар ремонт авунив эгечlнава.

Кьилди къачуртlа, Къалажухрин мектебдин дараматдин къав, дакlарар ва ракlар са кьадарда дегишарда. Гьа и жуьредин кlвалахар Къаракуьредин мектебдани кьилиз акъудда. Идалайни гъейри, и мектебдин классра чими пол туькlуьрдайвал я.

Къейд ийин, «100 мектеб» проект бажармишун патал республикадин бюджетдай 2 миллион манат чара ийизва. Идакай вад процентдилай тlимил тушиз райондин бюджетдайни такьатар чара авун кьетlнава. Гьа са вахтунда хсуси инвесторарни и кардал желбун теклифнава.

Къейд ийин, «100 мектеб» сергьятра аваз республикадин 117 мектеб, гьа жергедай яз дагълух районринбурни ремонтда.

«Лезги газет»