Дагъустандин гьукумди меценатрихъ галаз санал 2019-2020-йисара республикадин “100 мектеб” проектдин сергьятра аваз дагълух мулкара кардик квай 140-дав агакьна мектебар ремонтна. Идакай ТАСС-ди хабар гана.

РД-дин экономикадин ва мулкар вилик финин министр Гьажи Султанова малумарайвал, и макьсадар патал саки 380 миллион манат чара авуна.  “Проектдин сергьятра аваз 2018-2019-йисара дагълух зонада авай 25 райондин 139 мектеб 378,1 миллион манатдихъ цIийи хъувуна”, — лагьана министрди.

Адан гафаралди, алай йисуз и проектдай республикадин 136 мектеб гъалиб хьана, абурукай 76 мектеб дагълух зонадик акатзавай 21 районда ава.

“Кьилиз акъудзавай “100 мектеб” проектди, “Земский духтур”, “Хуьруьн муаллим” программайрини дагълух чкаяр вилик тухуниз куьмек гузва”, — къейдна Гь.Султанова.

Малум тирвал, “100 мектеб” проект РД-дин Кьил Владимир Васильеван теклифдалди 2018-йисалай кардик акатна.

«Лезги газет»