РД-дин Гьукуматди Республикадин зегьметдин ва яшайишдин жигьетдай вилик финин министерстводин ихтиярдик квай госидарайрин работникрин мажибрин гьакъиндай положенияр тестикьаруниз талукь къарар кьабулнава. Идан гьакъиндай “Лезги газетдиз” Дагъустандин зегьметдин ва яшайишдин жигьетдай вилик финин министерстводин пресс-къуллугъди хабар гана.

Эхиримжи 6 йисуз сифте яз Дагъустандин Гьукуматди вичел асаслу яз РД-дин зегьметдин ва яшайишдин жигьетдай вилик финин министерстводин ихтиярдик квай госидарайрин работникрин мажибар артухарун къалурзавай документ кьабулнава.

Алай къуллугъдилай аслу яз, работникрин мажибрин кьадар 15 процентдилай 35 процентдив агакьна артух жеда. И мурадриз РД-дин финансрин министерстводи 2021-йис патал 269 миллион манатдин такьатар чара ийидайди къалурнава. Кьабулнавай къарардин нетижада яшайишдин хилен 3700-далай виниз работникрин мажибар хкаж жеда.

«Лезги газет»