Играми газет кIелзавайбур!

Диндин алим Ямин Мегьамедова вичи лезги чIалал Ислам диндикай кхьенвай, таржума авунвай ктабар гьавая, садакьа яз, мискIинриз, медресайриз ва мектебрин ктабханайриз гузва. Абурун арада «Мусурман хуьдай къеле», «Исламдин эдебар, ахлакьар ва дуьаяр», «Тажвид-илим», «Пайгъамбаррин варисар», «Инсаниятдиз чешнелу ксар», «Пак Къуръан ва адан манайрин­ таржума лезги чIалал», «Пайгъамбардин уьмуьрдин рехъ», «Дуьньядин эхир», «Аллагьдин тӀварариз ва сифетриз талукь къайдаяр», «ЧӀехи гунагьар» ктабар ава. Абур «Лезги газетдин» редакциядай вахчуз жеда.

«ЛГ»