“Лезги газетдиз” ДГПУ-дин филологиядин факультетдин декан Руслан Къадимова хабар гайивал, и вуздин “ЧIал кардик жезвай мензилар ва меденият” тIвар алай илимдинни образованидин центрада дидед чIалар чирдай курсар ачухзава. Ана гьевес авай гьар са касдивай чирвилер къачуз жеда.
Лагьана кIанда, курсарихъ бязи кьетIенвилер ава. Месела, сифтегьан классра кIелзавайбуруз тежрибалу пешекарри кIелунрин рекьяй кIвалин кIвалахар тамамариз, хайи чIалалай гъейри, маса предметрайни чирвилер артухариз куьмекзава. ЧIехи классра кIелзавайбуру урус, хайи ва ингилис чIалай алава чирвилер гузва, ЕГЭ-дизни ОГЭ-диз гьазур жез куьмекзава.
Тарсар ДГПУ-дин филологиядин факультетда кьиле фида. Суалар аваз хьайитIа, алакъадин нумрайриз зенг ийиз жеда: 8-960-407-37-57; 8928-508-08-41; 8 (8722) 68-44-50
«Лезги газет»
