И йикъара мад са ватанэгьлидикай дуьньядин чемпион хьана: Къиргъизистанда самбодай дуьньядин дережада аваз кьиле фейи акъажунра  Шамил  Зилфикъарова  1-чка кьуна. Чемпионат гьакъикъатдани зурбади тир. Ана 50 уьлкведай саки 500-дав агакьна спортсменри иштиракна. Финалдин бягьсина Ш.Зилфикъарова Феликс Уланбегован винел гъалибвал къачуна.

Къейд ийин хьи, цIийи чемпиондин бине Хив райондин КьванцIилрин хуьряй я. Алай вахтунда ам ХМАО-да яшамиш ва ина спортдал машгъул жезва.

«Лезги газет»