26-июлдиз Лезги театрдин артистар нубатдин сеферда Махачкъаладиз мугьман жеда. Абуру къумукьрин театрдин сегьнедилай абхазрин машгьур драматург Шота Чкадуадин «Нини» пьесадин бинедаллаз гьазурнавай «Дидедин хва» тамаша къалурда.
Тамашада уьмуьрдай къачунвай гьакъикъи шикилар къалурзава. Дидедиз вичин хва акьван кIанзава хьи, адан уьмуьрда кьвед лагьай дишегьли (свас) пайда хьун адавай кьабулиз жезвач. Зарафатринни игитрин хсуси пашманвилерин легьзейрив ацIанвай тамаша гьакъикъатдани таъсирдайди хьанва.
Режиссер-Дагъустандин халкьдин артист Байсолтан Жумакаев, художник Майтаб Мамедова я.
Тамаша нянин сятдин 6-даз (18:00) гатIунда. Билетар, телефондин 8 928 058 99 88 нумрадиз зенг авуна, маса къачуз жеда.
Чи мухбир
