Дидед чIалан международный йикъан вилик — 20-февралдиз — Махачкъалада, ДГПУ-дин Дагъустандин филологиядин факультетда, ДГУ-дин ва ДГПУ-дин лезги чIал чирзавай студентрин арада лезги публицистикадай конкурс кьиле фида. Мярекатдин тешкилатчияр Алкьвадар Гьасанан тIварцIихъ галай медениятдинни марифатдин центр, ФЛНКА ва «Лезги газетдин» редакция я. Къейд ийин хьи, и мярекат цIи 2-сеферда тешкилзава. Адан асул макьсад, студентрин арадай публицистикадин рекьяй алакьунар авайбур хкяна, абур милли газетдин редакциядиз кIвалахал желб авун я.
Студентриз гудай тапшуругъар пуд паюникай ибарат я: сад лагьайди — текст къайдадиз хкун (редактироватун), кьвед лагьайди — лезги публицистикадай тестер ва пуд лагьайди — тайин са темадай куьруь къейд кхьин.
Конкурсдин нетижада сифтегьан пуд чка кьурбур пулдин пишкешар гуналди къейдда. Шаз хьиз, цIини 3-чкаяр пуд касдиз гудайвал я.
«Лезги газет»
