Алай йисан 19-февралдиз Кьасумхуьрел кIуьд лагьай сеферда лезги чIалан илимдинни тежрибадин конференция кьиле фида. Мярекатдин тешкилатчийрин арада Сулейман-Стальский райондин администрация, ДГУ-дин филологиядин факультетдин Дагъустандин чIаларин кафедра ва Имам Яралиеван мергьяматлувилин “Умуд” фонд ава.
Къазанфар Зульфикъарован “Куьредин азбука” тIвар алай ктаб акъатайдалай инихъ 150 йис тамам хьуниз талукьарнавай цIинин конференция “Лезги чIалан кхьинар. Тарих ва вилик финин рекьер” лишандик кваз тешкилзава.
“Лезги газетдиз” Сулейман-Стальский райондин администрациядин пресс-къуллугъди хабар гайивал, конференциядин сергьятра аваз лезги чIал чирунин карда П.К.Услара ва Къазанфар Зульфикъарова кьунвай чка, араб, латин, кириллицадин графикайрин бинедаллаз туькIуьрнавай лезги чIалан алфавитар, фонетикадиз, орфографиядиз талукь ва маса месэлаяр веревирдда.
Конференция сятдин 11-даз гатIунда.
«Лезги газет»
