И йикъара футболдай Дагъустандин чемпионатдин 5-турда “Леки” ва “Хасавюрт” командайрин арада кьиле фейи къугъун 3:1 гьисабдалди акьалтIна. 4-турдин къугъунани “Леки” командади инанмишвилелди гъалибвал къазанмишна, “Даймохк” команда адаз 3:0 гьисабдалди кумукьна. Чемпионат башламишайдалай кьулухъ кьиле тухванвай къугъунрин нетижайриз килигна, “Леки” турнирдин таблицада 1-чкадал ала. ЦIинин чемпионатда вири санлай 12 командади иштиракзава.
РикIел хкин: “Леки” командадин учредитель, Мегьарамдхуьруьн райондин кьил Фарид Агьмедован инициатива яз, райондин администрация я. Вилик йисара командади Дагъустандин чемпионвилин тIвар 6 сеферда, Россиядин Кубокдин Кьиблепатан паюна гъалибвал къазанмишна. Ам Дагъустандин Кубокдин сагьиб, Россиядин чемпионатдин 3-дивизиондин гимишдин призёр я.
«Лезги газет»
