Квез чидани?

. ТIебиатда лацу север анжах Арктикада яшамиш жезва.

. Лацу севрен заланвал 1 агъзур килограммдив агакьун мумкин я, яргъивал — 3 метрдив.

. Лацу севрез виридалайни мукьва гьайван рагъул сев я.

. Лацу севрен хам чIулав рангунинди я.

. Адан хамунал алай чIар гзаф къалинди, чимивал хуьдайди я.

. И северивай са сятдин вахтунда 6,5 километрдин мензилдиз сирнав ийиз жезва. Чилел адавай са сятда 40 километр­дин мензилдиз чукурдай кьван йигинвал артухариз жеда. Амма икьван чкадиз адавай яргъалди чукуриз жедач.

. ХъуьтIуьн вахтунда лацу север 50-80 юкъуз члада жезва.

. И гьайванриз ни хъсандиз къведа. МуркIадал акъатнавай тюлендин ни лацу севрез 1,5 ки­лометр­дин яргъайни къведа. И гьайванриз аязди тади гузвач — хамунин кIаник квай 13 сантиметр­дин яцIу пиди къай акатдай мумкинвал гузвач.

. ТIебиатда и север 25-30 йисуз кьван яшамиш жезва.

. Лацу севери пингвинрал гъуьрчзавач, гьикI лагьайтIа, пингвинар Кьиблепа­тан полушарияда яшамиш жезва, лацу север — Кеферпатан полушарияда.

. 12 инсандик кьван къуват ква лугьуз, Скандинавиядин шаирри юкьван асирра лацу северин тарифардай.

. И севрен мецин яргъивилел 60-70 сантиметр ала.

. И гьайванривай 80 градусдин аяздиз дурум гуз жезва.

«Лезги газет»