Кабаргадикай итижлу делилар

—           Кабарга кеферпатан полушарийда яшамиш жезвай миргерин гъвечIи жинсерикай сад я.

—           Алимри кабаргадин вад жуьре тайинарнава: Сибирдин кабарга, Сахалиндин кабарга, Дальневосточный кабарга, Верхоянский (ва я Арктикадин) кабарга ва Кореядин кабарга.

—           Кабарга Сибирдин рагъакIидай пата, Гималайра, Тибетда, Кореяда, Сахалинда гьалтзава. И гьайванри 600-900 метр кьван кьакьан чкайра уьмуьр кьиле тухузва. Тибетдинни Гималайрин мулкара абур гьатта 3 агъзур метрдилайни кьакьанриз хкаж жезва.

—           ЧIехи хьанвай кабаргадин бедендин яргъивилел 1 метр кьван жеда, кьакьанвал 70 сантиметрдив агакьда, заланвал — 11-18 килограммдив.

—           Кабаргадал крчар алач, амма эркек кабаргайрин вини кIирер ченедилайни агъуз экъис жеда. И кIирер вири уьмуьрда еке жезва ва 7-10 сантиметрдив агакьзава.

—           Сибирдин кабарга Алтайда, Сибирда, Забайкальеда, Монголиядин кеферпата ва маса дагълух чкайра гьалтзава.

—           Дуьньядал алай кьван кабаргайрин 90 процент Россиядин кеферпатан мулкара ава.

—           Сахалиндин кабаргадал ихьтин тIвар и жуьре гьа чкада яшамиш жезвайвиляй акьалтнава.

—           ТIебиатда кабаргайриз душманар гзаф ава. Абурал росомахайри, харзайри, машахри ва сикIери гьужумзава.

—           Кабарга гзаф зиринг, зирекдаказ хкадардай гьайван я. Йигиндаказ чукурзавай вахтунда адавай, са кIусни яваш тахьана, гьасятда акси патахъ элкъвез хъжезва.

—           ТIебиатдин шартIара кабаргаяр 4-5 йисуз яшамиш жеда, азад тушир шартIара — 10-14 йисуз.

Гьазурайди — К.Ферзалиев