Ватикандикай итижлу делилар

—           Ватикан Италияда, Римдин мулкарин къене авай государство-анклав я. Адахъ кьвед лагьай тIвар­ни ава — Ватикан государство-шегьер.

—           Ватикандин государстводин часпардин яргъивилел 3,2 километр ала.

—           Ватикан дуьньяда виридалайни гъвечIи аслу тушир уьлкве я.

—           Аслу тушир государстводин дережа и уьлкведиз 1929-йисан 11-февралдиз гана.

—           Уьлкведин майданди 440 агъзур квадратный метр кьунва.

—           Майдандиз гъвечIи ятIани, адахъ девлет ва чIе­хи тарих ава.

—           Ватикандин вири агьалияр кешишар я.

—           Агьалийрин 95 процент итимар я.

—           Уьлкведин мулкар юкьван асиррин цларалди кIевирнава.

—           Ватиканда са светофорни авач.

—           Уьлкве гъвечIиди ятIани, ана тахсиркарвилер гзаф жезва. Къанунар чIурзавайбур асул гьисабдай ту­ристар ва Италияда яшамиш жезвай, пулдихъ Вати­канда кIвалахзавай ксар я.

—           Ана аэропортар авач, амма вертолетрин майдан ва 852 метрдин яргъивал алай ракьун рехъ ава.

—           Ватиканда хсуси телевидение, сотовый ала­къа­дин оператор авач.

—           Ана тек са банк ава, адан тIвар “Диндин крарин институт” я.

—           ГъвечIи Ватикандин вири дараматар килигуниз лайихлу чкайрик акатзава.

—           Ватикандин агьалийрин кьадар 1000-давни агакьнавач.

—           И государстводин картадал анжах 78 объект ала.

—           Ана хсуси официальный чIал авач. Документар гзафни-гзаф итальян, латин чIаларал чапзава. Инсанар ана ингилис, итальян, френг, немс, испан ва маса чIаларал рахазва.

«Лезги газет»