ЧIижерикай делилар

—           Пешекарри тестикьарзавайвал, алай вахтунда чIиже­рин тахминан 21 агъзур жуьре малум я.

—           Антарктида квачиз, амай ви­ри чкайра чIижер яшамиш жезва.

—           Са килограмм вирт арадал гъун патал чIижер тахминан 8 миллион цуькведал ацукьзава.

—           Са чIижре вичин вири уьмуьрда 4-5 грамм вирт арадал гъизва.

—           Зулуз пайда хьайи чIижер 6-7 вацра кьван яшамиш жезва — абуру хъуьтIуьз дурум гуда. Вирт кIва­тIу­нин карда иштиракзавай чIижерин уьмуьр 30-40 йикъа­кай ибарат я. Гатфарихъ ва зулухъ чIижер 45-60 йикъа­лай гзаф яшамиш жедач.

—           Са йикъан къене чIижревай 7 агъзурдав агакьна набататрал ацукьиз жеда.

—           ЧIижрез вад вил ава.

—           Эгер чIиж чарадан куьнуьдиз фейитIа, муькуь чIижери гьасятда адал гьужумда.

—           Вичин мизмиз акъудайдалай кьулухъ чIиж гьасятда рекьизва.

—           Шри-Ланка островдин бязи милли хуьрекрик чIижерни кутазва.

—           Россияда гзафни-гзаф вирт Сибирда кIватIзава.

—           Гьар йисуз зегьерлу гъуьлягъри кIасуникди рекьизвай инсанрилай чIижери кIасна рекьизвайбурун кьадар артух я.

«Лезги газет»