КИТАЙДИКАЙ ИТИЖЛУ ДЕЛИЛАР
Девлетлу тарих, меденият авай къадим уьлквейрикай сад Китай я. Ана сифте яз арадал гъайи хейлин затIарикай къенин юкъузни инсаниятди менфят къачузва. Ингье и уьлкведихъ галаз алакъалу са бязи итижлу делилар.
Дуьньяда виридалайни гзаф халкь авай уьлкве Китай я. Ана 1,4 миллиарддив агакьна инсанар яшамиш жезва. ГекъигайтIа, дуьньядин виридалайни еке гьукумат тир Россияда авайди 146,8 миллион инсан я.
Китайда бамбукдин саки 500 жуьре экъечIзава.
Барут сифте яз Китайда пайда хьана.
Китайда суваррин, шадвилерин ранг яруди, лацу ранг ясдинди яз гьисабзава.
И уьлкведин рагъакIидай патан вири соцсетар официальный къайдада къадагъа авунва.
Пекинда авай Императордин дарамат ва я Къадагъалу шегьер 9999 утагъдикай ибарат я.
Гуьзгуь, чини, барут, чар, компас, басмадин ктабар ва хейлин маса затIар китайвийри арадал гъана. И затIар галачиз алай девирдин дуьнья фикирдиз гъун четин я.
Китайда хуьрекрилай гуьгъуьниз недай машгьур десертрикай сад хъалхъас хъипрекай гьазурнавай ширин затI я.
ТIуьн недай махсус кьалар гьазурун патал Китайда гьар йисуз цIуд миллионралди тарар атIузва.
Китайдин супермаркетрай чан алай хъипер ва хъалхъас хъипер къачуз жеда.
Китайвийри 5 йис жедалди аялар пакбур яз гьисабзава. Гьавиляй аялри гьихьтин кьуьруькар акъудайтIани, гьикьван инжиклу авуртIани, иесийри абурук хуькуьрдач, гьатта сеперарни гудач.
И уьлкведа агалкьунрин ярж кьаркьулув яз гьисабзава.
Китайдин агьалийрикай 70 процентди айнаяр гьалзава.
Китайда як квачир тIуьнар ишлемишзавайбурун кьадар гзаф я.
Гьазурайди — Куругъли Къалажухви
