Квез чидани?

Дуьньядин тIебиатдин аламатдин чкайрикай сад Китайда авай къванерин там я. Юньнань вилаятда, милли Шилинь паркуна, саки 350 квадратный километрдин майдан къванерин таму кьунва. Санани мад дуьшуьш тежезвай ихьтин жуьредин чка 200 миллион йис идалай вилик арадал атанвайди яз гьисабзава. Са бязи чешмейри тестикьарзавайвал, исятда вичел “Къванерин там” тIвар акьалтнавай чка сифтедай гьуьлуьн кIан тир. (А чкадиз ихьтин тIвар ана авай къванерикай тарарин ухшар къвезвайвиляй ганва). Гзаф йисар алатна, гьуьл яваш-яваш кьурана, терг хьана, амма а чкада тикдиз акъвазнавай рагар хьтин къванер амукьна (шикилда).

Цихъ галаз дагълух жинсер (къванер) какахьна арадал атанвай ажайиб кIалубдин рагар хьтинбур саки чиляй экъечIнавайбур хьиз аквазва. Эгер дикъетлудаказ килигайтIа, абурукай тарарин ва вагьшийрин беденрин ухшарар къведа.

Китайвийри къванерин тамухъ галаз алакъалу жуьреба-жуьре риваятарни туькIуьрнава.

«Лезги газет»