87 йис хьанвай дагъустанви пагьливанди “Старше всех” ТВ-шоуда иштиракна. 1-каналда Максим Галкина кьиле тухузвай передачада Абдурагьман Абдулазизова (Зубутлинский) вичин аламатдин къуват къалурна.
ЦIийи шоудин игитар чеб 55 йисалай жегьил тушир аламатдин алакьунар авай ксар я. Программадин 1-выпускра гимнастри, ашпазри, артистри, манидарри, гримёрри, пагьливанри, кьуьлердайбуру, ракьун устIарри, блогерри ва сиягьатчийри иштиракнава.
Эфирдин сергьятра аваз Абдурагьман Абдулазизова, режиссёррин теклифдалди, вичин “ракьун” чIарарин куьмекдалди 102 кг хкажна ва сарарив кьуна пар дашмишдай улакь чIугуна. Адан заланвал 2,5 тонндилай гзаф тир.
Пагьливанди лугьузвайвал, шоудин сергьятра аваз ам ибурулайни четин нмрайриз гьазур тир, амма тешкилатчийри, А.Абдулазизован яшариз килигна, ам секинарна. Зубутливидин 87 йис я.
Къейд ийин, идалай вилик Абдурагьман Зубутлинскийдин тIвар Гиннессан рекордрин Ктабда гьатнавайди тир.
«Лезги Газет»
