Сулейман-Стальский райондин аялрин яратмишунрин кIвале машгьур му­зыкант Нариман Османован регьбервилик кваз аялрин фольклордин “Куьре” ансамбль кардик кваз 3-йис я.

И куьруь девирда ансамблди райондилай къецени машгьурвал къазанмишна. Районда ва адалай къеце тухузвай­ шадвилин мярекатра ансамблди вичин алакьунар къалурзава. Идалайни гъейри, “Куьре” ансамблдин клиприз социальный сетрай ва “Ютуб” каналдай 100 агъзурдалай виниз инсанар килигна.

И йикъара райондин кьил Нариман Абдулмуталибова “Куьре” ансамблдин иш­­тиракчияр администрацияда кьабулна, абуруз алхишдин келимаяр лагьана­. Идалайни гъейри, Н.Абдулмуталибова ансамблдин иштиракчияр тир Ханум Агъа­­­­мирзоевадив (Агъа СтIалрин СОШ, 7-кл.), Сиясат Агъарагьимовадив (Да­р­кIуш-Къазмайрин СОШ, 11-кл.), Жамиля Пир­исмаиловадив (Кьулан СтIалрин СОШ, 9-кл.), Набат Тагьиро­вадив (Герейханован­ 1-нумрадин СОШ, 9-кл.), Имам Фей­зу­ла­­е­вав (Герейханован 1-нумрадин СОШ, 5-кл.) ва Эмиля Шихбабаевадив (ЦIийи хуьруьн СОШ, 9-кл.) чухсагъулдин­ чарар­ вахкана, абурухъ яратмишунрин ре­кье агалкьунар хьана кIанзавайди лагьана.

Хазран  Кьасумов