Сулейман-Стальский районда хуьрерин мулкар ва рекьер абадунин, анра михьивал хуьнин серенжемар давам жезва. Идакай «Лезги газетдиз» райадминистрациядин пресс-къуллугъди хабар гана.
20-июндиз райондин кьил Нариман Абдулмуталибова, райадминистрациядин жавабдар къуллугъчиярни галаз, Кьасумхуьруьн юкьвал кардик квай И.Тагьирован тIварунихъ галай медениятдин дараматдин мулкар хъсанарун патал тухузвай кIвалахар ахтармишна.
Махсус программа уьмуьрдиз кечирмишунин сергьятра аваз, алай вахтунда медениятдин дараматдихъ фидай рекье къир цунин, дараматдин гурар ва кьвед лагьай мертебадин помещенияр ремонтунин кIвалахар кьиле физва.
«Лезги газет»
