Эвел — 2022-йисан 16, 18-19, 26, 32, 38-39, 44, 52, 2023-йисан 4-нумрайра)

Гьар (ферз) кпIунин гуьгъуьнай “Аятуль-курсий” кIелун лазим я:

Аллагьу ла илагьа илла гьувал хIаййул къаййум ла таъхузугьу синатун вала навм, лагьу ма фиссамавати вама филь арзи манн заллязи ящфагIу гIин­да­гьу илла биизнигьи ягIламу мабайна ай­ди­­гьим вама халфaгьум вала юхIитIуна бишайъин мин гIильмигьи илла бима шаъ васигIа курсиййугьу ссамавати валь ар­за вала яудугьу хIифзугьума вагьуваль гIалиййуль гIазим.       

“Аллагь — авач илагьи (ибадатдиз ла­йих­лу тир) Адалай гъейри, (Ам) — (Гьамиша) Чан Алайди (вири затIар Вичиз муьгьтеж яз, гьар са шей идара ийиз), Вири Кьиле Тухузвайди я; Ам я суствили (муьргуь гьалди), я ахвари “кьазвайди туш” (Адак я суствал, я ахвар акатзавайди туш); (са) Адаз талукь я цавара вуч аватIани, чилел вуч алатIани (виридан иеси Ам я). Вуж я ам — Адан вилик “шафаат” ийиз жедайди —  Адан ихтиярар авачиз?! Адаз чизва абурун вилик квайдини (гележегни), абурулай кьулухъ галайдини (хьана алатнавайди — вири махлукьрикай вири чизва). Абуруз Адан чирвилерикай са шейни чизвач, Адаз (абуруз расулрилай чириз) кIан хьайи шейэрилай гъейри. Адан “Курсий” — да цавар ва чил (гегьеншдиз) гьакьнава, ва (гьич) залан туш Адаз абур кьведни (цавар ва чил) хуьн; Ам — Вине Авайди, ЧIехиди я!”.     

(“Ни гьар кпIунин гуьгъуьнлай и аят кIелайтIа, ам Женнетдиз финиз са куьнини манийвалдач, анжах кьиникь я ам акъвазарзавайди а кардикай”) (Насаъий).

“Истихара” кпIунал кIелдай дуьа:

“Истихара” Аллагьди ваз кьве кардикай хийирлу кар хкягъун патал Адаз ийизвай тIалабун я. Яни са кар авун хъсан яни, тавун хъсан яни, абурукай гьим хкядатIа чин тийизвайла, ийидай дуьа я. И дуьа “истихарадин” кьве кьил суннат-капI авуна салам гайидалай кьулухъ, гъилер хкажна­, кIелна кIанда. (ГьакIни ам саждада авайла ва я “аттагьиятдилай” гуьгъуьниз, салам гудалди, кIелдай ихтиярарни ава).

Жабир ибн Абдуллагь асгьабди (Аллагь рази хьурай вичелай) лагьанва: “Аллагьдин расулди (Аллагьдин салават ва салам хьуй вичиз) чаз, Къуръандин сура чирзавайди хьиз (дикъетдалди), чи вири крара “истихара” — дуьа ийиз чирзавай. Пайгъамбарди (Аллагьдин салават ва салам хьуй вичиз) лагьанва (мана): “Квекай садаз са кар герек хьайила (ам ийидай къаст, ният авурла), къуй ада кьве кьил ферз тушир (“истихарадин” суннат) капI авурай ва ахпа ада лу­гьу­рай: “Аллагьумма инни астахирука би-ильмика ва астакъдирука би-къудратика ва асъалюка мин фазликаль-гIазим, фа-иннака такъдиру ва ла акъдиру ва тагI­ламу ва ла агIламу ва анта гIалла­муль-гъуййуб. Аллагьумма ин кунта тагI­ламу анна гьазаль-амра — (инал вичин­ рикIе авай кар лугьуда) — хайрун ли фи дини ва магIаши ва гIа­къи­бати амри (ва я: фи гIажили амри ва ажилигьи) факъдургьу ли ва йассиргьу ли сумма барик ли фигьи. Ва ин кунта тагIламу анна гьазаль-амра шаррун ли фи дини ва магIаши ва гIакъибати амри (ва я: фи гIажили амри ва ажилигьи) фасрифгьу, гIанни васрифни гIангьу вакъдур лийаль-хайра гьайсу кана, сумма арзини бигьи”.

Гьазурайди — Ямин  Мегьамедов,

диндин алим

(КьатI ама)