(Эвел — 16, 18-19, 26-нумрайра)

Рукугьда (кпIуна юкь агъуз авурла) кIел­дай дуьа

СубхIана Раббиял  гIазим.

Пак я зи азим (чIехи) Рабби (Тирмизий).

СубхIанака ллагьумма Раббана ва бихIамдика Аллагьумма игъфир ли.

Пак я Вун, я Аллагь, чи Рабби, гьямд хьуй Ваз, я Аллагь, заз багъишламиша! (Бухарий).

СуббухIун къуддус Раббуль малаикати ва ррухI.

Пак я, мукъаддас я — малаикрин ва Руьгьдин (Жабраилан) Рабби! (Мус­лим).

Аллагьумма лака ракагIту, ва бика аманту, ва лака асламту, хашагIа лака самг­Iи, ва басари, ва муххи, ва гIазми ва гIа­саби, ва ма истакъаллат бигьи къадами.

Я Аллагь, са Ваз за рукугьнава ва Вахъ за инанмишвалнава, са Ваз зун итIаатлу хьанва. Ваз муьтIуьгъ (умунлу) хьанва зи “ван атунин гьисс” (япар), “акунин гьисс” (вилер), мефтI, кIарабар, дамарар, вуч акъвазнаватIа зи кIвачерал (къадамрал) (яни беден вири) (Мус­­лим).

СубхIана зиль жабарути, валь малакути, валь кибрийаъи, валь гIазамати.

Пак я зурба къудратдин, зурба пачагьвилин (малакутдин), зурба такабурвилин ва азимвилин (чIехивилин) Сагьиб! (Абу Давуд).

Рукугьдай хкаж жедайла кIелдай дуьа

СамигIаллагьу лиман хIамидагь.

Ван хьана Аллагьдиз ни Адаз гьямд гъанатIа (жаваб гана Аллагьди Вичиз гьямд гъайидаз) (Бухарий).

Раббана валакаль хIамду, хIамдан касиран тIаййибан мубаракан фигьи

Чи Рабби! Ваз гьямд хьуй — гзаф, хъсан, берекатлу гьямд (Бухарий).

Миль-а ссамавати ва миль-аль арзи ва­ма байнагьума, ва миль-а ма шиъта мин­ шайин багIду. Агьла ссанаъи валь маж­­ди, ахIакъкъу ма къалаль гIабду, ва куллуна лака гIабдун. Аллагьумма ла ма­нигIа лима агIтIайта, вала мугIтIия лима манагIта, ва­ла? янфагIу заль жадди минкаль жадду.

(Чи Рабби, Ваз гьямд хьуй) — цавар ацIай ва чил ацIай, абурун (кьведан) ара ацIай кьван, (гьакIни) Ваз кIан хьайи кьван шейэр ацIай кьван. Ахпани (мадни): Тарифдиз ва гьямддиз Лайихлуди, (ибур) виридалайни гьахълу (дуьз) гафар я (Ви) бендеди лагьай ва чун вири Ви лукIар я. Я Аллагь, авач акъвазардайди Вуна гудай шей, авач гудайди Вуна къадагъа авунвай шей, менфят гудач “паярин” (няметрин) сагьибдиз (адан малди, гьакимвили Аллагьдин вилик. Няметри хуьдач Адан азабдикай. Менфят жеда Адаз анжах  тIеат авуникай ва Адан разивал къазанмишуникай). “Паяр” (няметар) анжах Ви патай я!  (Муслим).

Саждада кIелдай дуьа

СубхIана Раббиял агIла (3 сефер).

Пак я зи ЧIехи Рабби (3 сефер)  (Тирмизий).

СубхIанака ллагьумма Раббана ва бихIамдика Аллагьуммагьфирли.

Пак я Вун, Аллагь, чи Рабби, гьямд хьуй Ваз (пакзава Вун Ви тарифиз). Я Аллагь, залай гъил къачу (гъаф ая заз)! (Бухарий, Муслим).

СуббухIун къуддус, раббул малаикати ва ррухI.

Пак я, мукъаддас я — малаикрин ва Руьгьдин (Жабраилан) Рабби! (Муслим).

Аллагьумма лака сажадту ва бика аманту, ва лака асламту, сажада важгьи лиллязи халакъагьу ва савварагьу, ва шакъкъа самгIагьу ва бассарагьу, табарака ллагьу ахIсануль халикъина.

Я Аллагь, са Ваз за сажда авунва, Вахъ за иман гъанва, Ваз зун итIаатлу хьанва. Сажда авунва зи чини Адаз — Вичи ам халкь авунвайдаз, адаз суьрет ганвайдаз, адаз “ван атунин гьисс” ва “акунин гьисс” (падна) акъуднавайдаз (чинал япар ва вилер авунвайдаз) — гзаф берекатлуди я Аллагь — Лап Хъсан Халикь!  (Муслим).

СубхIана зиль жабарути валь малакути, валь кибрияъи валь гIазамати.

Пак я зурба къудратдин, зурба па­чагь­вилин (малакутдин), зурба такабурвилин ва азимвилин (чIехивилин) Сагьиб! (Абу Давуд).

Аллагьумма игъфирли занби куллагьу, дикъкъагьу ва жиллагьу, аввалагьу ва ахирагьу, ва гIаланиятагьу ва сиррагьу.

Я Аллагь, гъил къачу зи вири гунагьрилай — куьлуьдалайни, чIехидалайни, эвелимжидалайни, эхиримжидалайни, ачухдалайни (ашкара тирдалай) чинебандалайни. (Муслим).

Аллагьумма инни агIузу биризака мин сахатIика, ваби мугIафатика мин гIу­къу­ба­тика, ва агIузу бика минка, ла ухIси санаан гIалайка, анта кама аснайта гIала нафсика.­

Я Аллагь, дугъриданни, за тIалабзава Вавай зун хуьн: Ви разивилелди — Ви хъелдикай, Ви гьафивилелди — Ви жазадикай. За тIалабзава Вавай зун хуьн Вакай, залай алакьдач бес кьадар тарифиз Ви. Вун — Вуна Ви тарифайвал я! (Муслим).

Кьве саждадин арада кIелдай дуьа

Раббигъфирли Раббигъфирли.

Рабби, залай гъил къачу, Рабби, залай гъил къачу (Абу Давуд).

Аллагьуммагъфирли вархIамни вагьдини важбурни ва гIафини варзукъни варфагIни.

Я Аллагь, залай гъил къачу, заз ре­гьим ая, зун дуьз рекье тур (дуьз рекьеваз твах), заз эвез хце (рази хъия зун), гьафивал ая заз, ризкьи це заз ва хкаж зун (дережадиз) (Тирмизий).

Ямин  Мегьамедов, диндин алим

(КьатI ама)