16-18-ноябрдиз Дагъустандин Огни шегьерда волейболдай Дагъустандин чемпионатдин кьиблепатан зонадин пай кьиле фена. «Кьурагь район» МР-дин администрациядин пресс-къуллугъди хабар гузвайвал, чемпионатда Кьиблепатан зонадин викIегь командайри иштиракна. Кьилди къачуртIа, абурун жергеда Сулейман-Стальский, Ахцегь, Табасаран ва Кьурагь районар авай.

Финалдин паюна Кьурагь райондинни Табасаран райондин командаяр къугъвана ва 2-0 гьисабдалди Кьурагьрин командади гъалибвал къачуна.

Гьа икI, Кьурагьрин волейболистар РД-дин чемпионатдин финалдиз акъатна. Къейд ийин, финалдин пай 13-15-декабрдиз Махачкъала шегьерда кьиле фида.

«Лезги газет»