РФ-дин Гьукуматдин Председателдин заместитель Татьяна Голиковади къейд авурвал, кьилдин ксаринбур тир клиникайрини, хсуси ва госамадагвилин (ЧГП) сергьятра аваз, онкологиядин азаррикди начагъ Россиядин агьалийриз медицинадин рекьяй лазим куьмекар гуда. Идакай “Россиядин газетда” кхьенва.
РФ-дин вице-премьердин гафарай мадни малум жезвайвал, ЧГП-дин и жуьре къуллугъар, ОМС-дин (обязательное медицинское страхование) такьатрин гьисабдай яз, “Здравоохранение” ва “Онкологиядин азаррихъ галаз женг чIугун” милли проектрин программаяр уьмуьрдиз кечирмишунин нетижада кьилиз акъудун пландик ква.
Идалайни гъейри, йисан сифте кьиляй РФ-дин Гьукуматди виниз тир дережадин медицинадин куьмек авунай ОМС-дин къурулушда кIвалахзавачир медицинадин идараяр финансламишунин къайдаяр тайинарнавайди къейдна Т.Голиковади.
Кьилдин ксаринбур тир медклиникайра страховатнавай азарлуяр сагъарун патал харжияр ОМС-дин такьатрикай чара ийида.
«Лезги газет»
