“Лезги газетдиз” Дагъустандин милли сиясатдин ва динрин крарин рекьяй министерстводин пресс-къуллугъди хабар гайивал, 2-августдиз Россиядин Президент Владимир Путина 1999-йисуз боевикрин аксина женг чIугур дагъустанви ополченцийриз дяведин гьерекатрин ветеранриз хьтин дережа (статус) гузвай къанундал къул чIу­гуна.

РикIел хкин, мукьвара уьлкведин Президентди ачух эфирда Рос­сиядин агьалийрин суалриз жавабар гузвай чIа­вуз Владимир Путинавай Дагъустан Республикадин Ботлих райондин агьалийри 1999-йисан август-сентябрь варцара бо­е­викриз акси женгера иштиракай ва­тан­эгьлийриз дяведин гьерекатрин вете­ранрин дережа гунин карда куьмек тIа­лаб­най. Гуьгъуьнлай и месэла гьялун па­тал­ В.Пути­на талукь органриз буйругъар гана.

ЦIийи къанундал асаслу яз, Да­гъустандай тир ополченцийриз гьар вацра пул,  яшайишдин кIвале­рин­ни коммунальный майишатдин ре­кьяй­ са жерге кьезилвилер, игьтияж авай­буруз яша­йишдин кIвалер гу­да.

Чи мухбир