Гьич са касни, гьич са затIни рикIелай алатнавач

«Дагъустан» журналдин сайтда­ Ватандин ЧIехи дяведа иштиракай, чпин тIварар 1996-2003-йисара чапдай акъатай 11 жуздикай ибарат «Са-садан тIвар кьан» ктабда (кьилин­ редактор — Сулейман Хаппалаев) гьат тавунвай дагъустанвийрикай­ куь­руь малуматар ганва. Чна лезгийрин­ тIварар ва абурукай куьруь малуматар гун давамарзава.

Къейд ийин, чна раиж хъийизвай бязи тIварарихъ галаз алакъалу дуьз тушир малуматар винел акъатайтIа, кIелзавайбурувай чна якъин делилар агакьарун тIалабзава.

Мисал яз, газетдин 20-нумрадиз гайи тIварарик Къаракуьредай тир Эмирбег Ве­либеговни квай. Адан гьа­къиндай якъин делилар и хуьруьн агъ­сакъал, муаллим Халибег Эмирчубанова агакьарна: «Эмирбег буба дяведай хуьруьз хтана, ада яргъал уьмуьр кьиле тухвана. Ам са шумуд сеферда гьаждал фена. Гьаждилай хкведайла, ам рагьметдиз фена. Сириядин меркез Дамаскдин сурара кучукнава».

Кьурагь район

Къарибов Керим, 1903-йисуз КIутIулрин хуьре дидедиз хьана­. Кьурагь райондин военкоматди аскервилиз эвер гана. Лишанчийрин гвардия­-дин 9-дивизиядин пияда аскеррин­ гвардиядин 1329-полкунин жергедин­ аскер. 1943-йисан 24-январдиз телеф­ хьана. Краснодардин Крымдин­ райондин Мазниково хуьре кучукнава.

Кьасумов Мирзебала, 1907-йисуз КьепIиррин хуьре дидедиз хьана. 1942-йисуз Кьурагь райондин военкоматди аскервилиз эвер гана. Лишанчийрин 124-дивизиядин пияда аскеррин 781-полкунин жергедин аскер. 1944-йисан 11-мартдиз телеф хьана. Эстониядин Ида-Вирумаа уезддин Бе­зымянный хуьре кучукнава.

Козян Макич Ованесович, Кьурагь райондин военкоматди аскервилиз эвер гана. Лишанчийрин 320-дивизиядин курсант. 1942-йисан 26-декабрдиз телеф хьана. Чечен Респуб­ликадин Наурский райондин Ищерская станицада кучукнава.

Мегьамедов Агъабег, 1913- йисуз Хпежрин хуьре дидедиз хьана. Кьурагь райондин военкоматди­ аскервилиз эвер гана. Лишанчийрин­ 55-дивизиядин пияда аскеррин 111-­ полкунин жергедин аскер. 1943-йисан 22-сентябрдиз хирерикди 67-медсанбатда кьена. Черниговдин областдин Корюков райондин Сновск шегьерда кучукнава.

Ражабов Агьмед, 1920-йисуз Шимихуьре дидедиз хьана. 1941-йисуз Кьурагь райондин военкоматди­ аскервилиз эвер гана. Лишанчийрин­ 44-дивизиядин пияда аскеррин 2-полкунин жергедин аскер. 1941-йисан­ 2-октябрдиз Ленинграддин областда гел галачиз квахьна.

Сайфаев Муса, 1901-йисуз Гелхенрин хуьре дидедиз хьана. Кьурагь райондин военкоматди аскервилиз эвер гана. Лишанчийрин 81-дивизиядин пияда аскеррин 674-полкунин жергедин аскер. 1943-йисан 1-августдиз телеф хьана. Орелдин областдин Кромский райондин Неживка хуьре кучукнава.

Тагьиров Базай, 1909-йисуз Кьурагьа дидедиз хьана. Кьурагь район­дин военкоматди аскервилиз эвер гана. Лишанчийрин 148-дивизия­дин пияда кьушунрин 507-полкунин жергедин аскер. 1943-йисан 11-июлдиз телеф хьана. Орелдин областдин Трос­нянский райондин Тросна хуьре кучукнава.

Эльдеров Эльдер, 1912-йисуз Штулрин хуьре дидедиз хьана. Кьурагь райондин военкоматди аскервилиз эвер гана. Лишанчийрин 42-дивизиядин пияда кьушунрин 455-полкунин жергедин аскер. 1944-йисан 25-июндиз телеф хьана. Могилевдин­ областдин Дрибинский райондин Черневка агрогородокда кучукнава.

Мегьарамдхуьруьн район

Агъаширинов Гьамдулагь  Али­­къулиевич, 1913-йисуз Мегьа­рамдхуьруьн райондин Макьа-Къаз­май­­рин хуьре дидедиз хьана. Хаса­вюрт шегьердин военкоматди­ ас­кер­ви­лиз эвер гана. Танкарин 2-полкунин зам­полит. 1941-йисан 29-июлдиз телеф хьана. Брестскдин областдин Коб­риндин райондин Бельки хуьре кучукнава.

Мегьамедов Абакар, 1908-йисуз Самур хуьре дидедиз хьана. Приморский крайдин Хасанский райондин военкоматди аскервилиз эвер гана. Лишанчийрин 26-дивизиядин пияда аскеррин 312-полкунин жергедин аскер. 1942-йисан 10-декабрдиз телеф хьана. Новгороддин областдин Новгороддин райондин Малое Степаново хуьре кучукнава.

Мегьамедов Межид Мегьаме­до­вич, 1913-йисуз Мегьарамдхуьре ди­дедиз хьана. Каменец-По­дольскдин­ областдин Антонинан райондин воен­коматди аскервилиз эвер гана. Лишан­чийрин 107-дивизиядин пияда­ ас­кер­рин 516-полкунин жергедин ас­кер. 1944-йисан 25-майдиз Тернополдин областдин Монастырисский райондин Тростянец хуьре гел галачиз квахьна.

Мулаев Гьажи Къурбанович, 1924-йисуз Агъа Ярагърин хуьре дидедиз хьана. Мегьарамдхуьруьн райондин военкоматди аскервилиз эвер гана. Лишанчийрин 61-дивизиядин пияда кьушунрин 307-полкунин жергедин аскер. 1943-йисан 17-майдиз телеф хьана. Краснодардин крайдин Крым райондин Неберджаевская станицада кучукнава.

Петрисян Семен Саакович, 1899-йисуз Ереван щегьерда дидедиз хьана. Мегьарамдхуьруьн райондин военкоматди аскервилиз эвер гана. Лишанчийрин 9-дивизиядин пияда кьушунрин 193-полкунин жергедин аскер. 1943-йисан 5-мартдиз Краснодардин крайдин Крым районда гел галачиз квахьна.

Эфендиев Абусуфьян Абдуасимович, 1917-йисуз Филерин хуьре дидедиз хьана. Баку шегьердин Кирован райондин военкоматди аскервилиз эвер гана.  Лишанчийрин гьуьлерин 80-бригададин жергедин аскер. 1943-йисан 10-апрелдиз телеф хьана. Кировский ракьун рекьин 17-разъезддин патав кучукнава.

СтIал Сулейманан район

Абдуразакьов Абдуразакь Къаф­ланович, 1909-йисуз Кьасумхуьрел дидедиз хьана. 1941-йисуз Ленинград шегьердин Дзержинский райондин военкоматди аскервилиз эвер гана. Лишанчийрин 46-дивизия­дин пияда кьушунрин 340-полкунин старшина. 1943-йисан 30-июндиз хи­ре­рикди кьена. Ленинграддин област­дин Колпинский райондин Ижорец поселокда кучукнава.

Алимирзаев Абдул Латифович, 1904-йисуз КьепIиррин хуьре дидедиз хьана. Кьасумхуьруьн райондин военкоматди аскервилиз эвер гана. Лишанчийрин 117-дивизиядин пияда кьушунрин 335-полкунин жергедин аскер. 1943-йисан 8-декабрдиз Крымдин Керчь шегьердин Эльтиген микрорайонда телеф хьана.

Алиханов Абумуслим,  1907- йисуз Бутхуьре дидедиз хьана­.  Кьасумхуьруьн райондин военкомат­ди аскервилиз эвер гана. Лишанчий­рин 117-дивизиядин пияда кьушунрин жергедин аскер. 1942-йисан 28-февралдиз телеф хьана. Калугадин областдин Юхновский райондин Козловка хуьре кучукнава.

Апошнянский Владимир Ми­хайлович, 1901-йисуз АзССР-дин­ Кьасум-Исмаил районда дидедиз­ хьана. Кьасумхуьруьн райондин военкоматди аскервилиз эвер гана. Лишанчийрин 417-дивизиядин артил­лериядин 1055-полкунин жергедин аскер. 1942-йисан 9-сентябрдиз РСО-Аланиядин Моздокдин райондин Терская станицада гел галачиз квахьна.

Бабаев Абидин, 1915-йисуз Кьа­сумхуьруьн районда дидедиз хьана. 1940-йисан июндиз Кьасумхуьруьн райондин военкоматди аскервилиз эвер гана. Жергедин аскер.1942-йисан февралдиз гел галачиз квахьна.

Бабаев Аличубан, 1912-йисуз Татарханрин хуьре дидедиз хьана. АзССР-дин Гульчетов райондин военкоматди аскервилиз эвер гана. Лишанчийрин 417-дивизиядин пияда кьушунрин 1376-полкунин жергедин аскер. 1942-йисан 21-октябрдиз Ингушетиядин Малгобек райондин Вознесенская станицадивай 10 киломатрдин яргъа мулкара гел галачиз квахьна.

Бабаев Мегьамед Загьирович, 1910-йисуз Курхуьрел дидедиз хьана. 1943-йисан 1-августдиз Кьасумхуьруьн райондин военкоматди аскервилиз эвер гана. Лишанчийрин 242-дивизиядин пияда кьушунрин 903-полкунин ефрейтор. 1945-йисан 3-майдиз телеф хьана. Чехиядин Моравия областдин Альтштадт хуьре кучукнава­.

Бабаев Сулейман Бабаевич, 1916-йисуз Шихидхуьре дидедиз хьана. Кьасумхуьруьн райондин военкоматди аскервилиз эвер гана. Лишанчийрин 188-дивизиядин жергедин ас­кер. 1943-йисан 6-октябрдиз телеф хьана. Днепропетровскдин областдин­ Верхне-Днепропетровскдин райондин Мишурин Рог хуьре кучукнава.

Балакъардашев Мегьамед, 1924-йисуз Векьелрал дидедиз хьана. Кьасумхуьруьн райондин военкоматди аскервилиз эвер гана. Лишанчийрин 42-дивизиядин артиллериядин 455-полкунин жергедин аскер. 1943-йисан 28-августдиз телеф хьана. Смоленскдин областдин Рославль райондин Екимовичи хуьре кучукнава.

К. Ферзалиев