“Лезги газетдиз” РД-дин экономикадин ва территорияр вилик тухунин министерстводин пресс-къуллугъди хабар гайивал, “Агромит” ООО-ди Дагъустанда як гьялдай комплекс эцигун пландик кутунва. Чешмедин делилралди, объектдин эцигунрин кIвалахриз 270 миллион манат пул чара ийизва.
Алай йисан январдин эхирра проект РД-дин Гьукуматдиз теклифна.
Комплекс 5 гадин майдандал эцигдайвал я. Проект кьилиз акъудунин нетижада республикада кIвалахдай алава 112 чка пайда жеда.
Гележегдин комплексди йиса 7,2 агъзур тонндив агакьна куьлуь ва ири карч алай гьайванрин як гьялда, 240 тонн дулдурмаяр ва 480 тонн верчерин продукция гьасилда.
«Лезги газет»
