Мукьвара Моздок шегьерда “Къизилдин зул” кубок патал мектебра кIелзавай аялрин арада футболдай тешкилнавай акъажунар акьалтIна. Ана Дагъустандин, Кабардино-Балкариядин, Ингушетиядин, Кеферпатан Осетиядин, Чечнядин, Кеферпатан Кавказдин маса регионрин командайри иштиракна.

Дагъустандин патай турнирда Дербент шегьердин “ТЕФИ” команда къугъвана. Дербентвийри акъажунра ирид къугъун кьиле тухвана ва вири гъалибвилералди акьалтIарна.

Финалда “ТЕФИ” Кеферпатан Осетиядин командадихъ галаз гуьруьшмиш хьана. 5:1 гьисабдалди гъалибвал дербентвийри къачуна ва адакай “Къизилдин зулунин” кубокдин сагьиб хьана.

Къейд ийин хьи, гъалибчи командадин тренер Ибрагьим Султанов я.

Тофик Бахрамов