Лезгистандин дагъларин гуьзел тIебиатдин кьетIен лишанрикай сад тир Кетин дагъ, дуьньядин 7 аламатдикай сад яз гьисабзавай Египетда авай Хеопсан пирамидадиз (дуьз лагьайтIа, пирамида вич чи гьайбатлу дагъдиз) ухшар я.
Юсиф Саркарова янавай Кетин дагъдин шикил — “Варз квай пейзаж» 35AWARDS” (2019-йис) ва “Elite Award” (2020-йис) фотоконкурсри кьабулна, адаз хъсан къимет, махсус диплом ганва. Сесер гунин нетижайрай аквазвайвал, автордин кIвалах конкурсдин виридалайни хъсан шикилрик акатнава.
Конкурсда 99 уьлкведай ва 778 шегьердай 2022 касди иштиракна. Абуру, санлай къачурла, конкурсдиз 5316 шикил рекье туна. Жюри: Александр Трашин (Россия), Savenok Alex (Израиль), Юницын Алексей (Россия). Чи гьевескар бажарагълу эколог, ватанперес, шикилчи ва райондин “ЦIийи дуьнья” газетдин мухбир Юсиф Саркароваз и агалкьун чна рикIин сидкьидай мубаракзава. Чи мурад яратмишунрин рекье адахъ мадни еке агалкьунар хьун я.
Дашдемир Шерифалиев
