Мусурманар патал важиблуди тир Къурбанд сувар мукьвал жезва. Суварин юкъуз як садакьа яз гун ва ам къачун сувабдин кар яз гьисабзава. Къурбанд сувар патал мергьяматлувилин «Инсан» фондуни «Гьар са кесиб хизандиз – як» серенжем кьиле тухун тешкилнава. И гьакъиндай Хасавюртовский райондин администрациядин инстаграмдин официальный чини хабар гузва.
Чешмеди кхьизвайвал, игьтияж авай гьар са кIвалив садакьа патал як агакьардайвал я.
Къейдна кIанда хьи, эменни тIимил авай хизанриз куьмек гунин мураддалди недай ва я алукIдай затIар паюнин серенжемар Дагъустанда эхиримжи йисара тIимил кьиле физвач. Кьилдин ксари, мергьяматлувилин фондари хъсан крарик мукьвал-мукьвал кьил кутазва, иллаки сив хуьнин ва къурбанд суварин сергьятра аваз районрани шегьерра гегьенш серенжемар тешкилзава.
«Лезги газет»
