Дагъустандин халкьдин писатель Къурбан Халикьович Акимов чаз, муаллимриз, алим ва методист яз машгьур я. Адан къелемдикай муаллимар патал вишералди методикадин гьар жуьредин пособияр, словарар, энциклопедияр ва маса ктабар хкатнава. Абурун жергеда аваз чав “Лезги литература” энциклопедия агакьнава.
И къиметлу ва важиблу ктаб лезги литературадин тарихдин чинрилай башламиш жезва ва ана VII-ХХI асирдалди чи лезги литература вилик тухвай писателрикай, алимрикай малуматар ганва. Лезги халкьдин мецин эсеррилай башламишна, кьилди-кьилди муьжуьд кьиле чи литературадин тарих ачухарзава. Виридалайни гегьенш малуматар ХХ лагьай асирдин литературадикай, гьакIни алай девирда эдебиятдал машгъулбурукай ганва.
Къурбан Халикьовичан и энциклопедияда аялрин чирвилер деринарун патал муаллимриз тарсара менфят къачудай гзаф къиметлу шейэр ава.
Чи чIал хуьник еке пай кутазвай Къурбан Халикьовичан къелем къуй мадни къуватлу, вичихъ чандин мягькем сагъвал хьурай!
Р.Самедова,
дидед чIалан муаллим, Приморск
