И мукьвара КцIар шегьерда цIийи кархана кардик акатнава. Гадарзавай материалрикай кьвед лагьай гъилера менфят къачунин мураддалди ахъайнавай карханада са шумуд касди кIвалахдайвал я.
* * *
Советрин девирда халкьдиз къуллугъ авур Шевкет Урдуханован тIварцIихъ галай КцIара авай стадион чкIанвай гьалда аваз гзаф йисар тир. Чал агакьнавай хабаррай, мукьвара стадион мадни гегьеншарда, ацукьдай чкайрин кьадар гзафарда.
* * *
ЦIи лезги шаир Кьилягь Къудрат дидедиз хьайидалай инихъ 100 йис жезва. 1922-йисуз дидедиз хьайи ам 2003-йисуз рагьметдиз фена. Шаирдин авайни-авачир са ктаб тир «Хкягъай эсерар» 2012-йисуз чапдай акъуднай.
* * *
Алай йисуз кцIарвийрин са шумуд ктаб Бакудин чапханайра басма хьанва. Абурун арада ихьтинбур ава: Бенямеддин Давудан «Багьа тир фагьумар», Камран Аламвидин «РикIин рехъ», Вакъиф Муьшкуьрвидин «Эсерар», Жуьмшуьд Айдемиран «Салам» ва масабур.
* * *
Туьркиядин Конья шегьерда “Исламиада” лишандик кваз кьиле фейи спортдин къугъунра цIуд касдилай виниз лезгийри иштиракна. КцIарай тир Фарида Азизовади 67 кг-дин заланвал авай таэквондистрин арада 1-чка кьуна.
Римма Гьажимурадова
