«Халкьдин коллектив» тIвар тестикьарун патал и йикъара Махачкъалада халкьдин яратмишунин коллективрин алакьунриз килигунин мярекат кьиле фена. Ана Дагъустандин жуьреба-жуьре шегьеррин, районрин музыкантри иштиракна.
«Лезги газетдиз» Сулейман-Стальский райондин администрациядин пресс-къуллугъди хабар гузвайвал, мярекатда райондин патай «Кьасумхуьруьн далдамчияр» ансамблди иштиракна ва музыкантри чеб «Халкьдин коллектив» тIварцIиз лайихлу тирди тестикьарна.
Къейд ийин, тIвар кьунвай ансамблдин бине 1958-йисуз кутуна, 19960-йисуз адаз халкьдин коллективдин тIвар гана. Тафт язайбурукай ибарат дестеди Москвада медениядин йикъара кьве сеферда иштиракна, абур «Советский Дагъустан» фильмдани къугъвана. 2010-йисуз и ансамбль цIийи музыкантрикай ибарат яз цlийи кьилелай арадал хкана.
«Лезги газет»
