Кьаркьулув чаз малумди ятlани, адахъ авай са бязи кьетlенвилер вирибуруз чир тахьунни мумкин я. Ам нек хъвадайбурун жергедик акатзава. Ихьтинбурукай лув гуз алакьзавайди анжах кьаркьулув я. Абурун жуьреяр 1000-далайни гзаф ава. Уяхвал йифен вахтунихъ галаз алакъалу я. Кьаркьулувриз махсус эхолокатордин куьмекдалди мичlи чкада аквазва. Абуру ванер акъудзава ва элкъвена хкведай жавабдин ванер пайда хъхьайла, секиндаказ лув гузва.­

Элкъвена хкведай ванерин куьмекдалди абурувай чпин рекьел гьихьтин затlар алатlа, тайинариз жезва. Адет яз, кьаркьулуври жуьреба-жуьре гьашаратар незва, бя­зи дуьшуьшра емишар, балугъ, гьатта ивини тlуь­низ ишлемишзава. Гзафни-гзаф иви тlуь­нин еринда ишлемишуналди яшамиш жезвайбурун пуд жуьре ава.

Кьаркьулувдин сарар екебур туштlани, гьайванрин ва инсандин хамунай тlеквен акъу­диз жедай хцибур я. Абуру кlасуникди пехъи­­вилин азар акатун мумкин я.

Бязи кьаркьулувар чеб-чпиз яшамиш же­да, муькуьбур лагьайтlа, агъзурралди ма­са­бурухъ галаз — кьветlера. Вични 20-йисалайни гзаф вахтунда яшамиш жезва.

Гьазурайди — Куругъли Ферзалиев