Зегьмет акьалт тавуна жагъанвай девлетди инсанрин акьул квадарзава, абур негь будалайриз элкъуьрзава.
Къияс Межидов

Ихтияр тагузвай кар кьилиз акъудун гьамиша хъсан яз аквада.
Абдул Ражабов

Гатуз вичин кар акурди
ХъуьтIуьз хци къаял жедач.
Забит Ризванов

Алцумун хъсан кар я: са терефни нарази яз амукьдач.
Межид Гьажиев

Уртах афардилай кьилдин пипIиш хъсан я.
Абдулбари Магьмудов

Къекъуьналди жагъидач бахт, ам кьисметди гъана кIанда.
Асеф Мегьман

РикIел акьалтай вуч хьайитIани мецел гъидай затI туш.
Назир Мирзоев

Къенин хийирдин гуьгъуьна гьатна, гагь-гагь пакадин, гележегдин месэлаяр рикIелай ракъурзава.
Буба Гьажикъулиев

КIватIайди — К.КIелетви