Кьурагь районда къати марфар къуникди чIур хьайи рекьер къайдадик кухтунин кIвалахар давам жезва. Юргъади Ашарин, Гелхенрин хуьрерин мулкара улакьрин рекьериз бегьем зиянар гана.
Рекьерин 68-нумрадин участокдин прораб А.Къафарован гафаралди, районда рекьер тамамвилелди ремонт авунин заказчик “Дагестанавтодор” ГКУ я, пудратчи — Мегьарамдхуьруьн “Дорбостсервис” ООО.
Гележегда ацахь тавун патал рекьин бязи участокра цементдин къаришмадалди цлар кьадайвал я. Герек чкайрик турбаяр кутунин, чиргъ вегьинин кIвалахар кьиле физва.
Алай вахтунда са шумуд муьгъ туькIуьр хъувунва. Кьурагь райондин 68-нумрадин ДЭУ-дин директор М.Агьмедован гуьзчивилик кваз кьиле физвай кIвалахрал 2 экскаватор, 2 КамАЗ, грейдер ва каток желбнава.
Чи мухбир
