11-декабрдиз Ахцегь райондин просвещенидин “Люминарий” центрада “Йисан муаллим -2020” конкурсдин районда кьиле фейи паюнин нетижаяр кьуна, хабар гузва райондин администрациядин малуматрин центради.
Мярекат и конкурсда алатай йисуз гъалиб хьайи Мерьем Султановади тухвана. Ахцегь райондин кьилин заместитель Алмас Шуаева “Йисан муаллим -2020” конкурсдин районда кьиле фейи паюна гъалиб хьайи муаллимриз грамотаяр ва рикIел аламукьдай пишкешар гана. ИкI, конкурсдин гъалибчи Ахцегьрин 1-нумрадин школадин гъвечIи классрин муаллим Туьквезбан Жафаровадикай хьана. 2 ва 3-чкаяр Ахцегьрин 2-нумрадин школадин математикадин муаллим Залгьа Абиловади ва Луткунрин СОШ-дин информатикадин муаллим Карина Къадировади кьуна.
Гъалиб хьайибур райондин культурадин, спортдин, жегьилрин сиясатдин ва туризмдин крарай управленидин начальник Къизтер Гъаниевади ва образованидинни илимдин работникрин профсоюздин председатель Хайируллагь Алиева тебрикна. Гуьгъуьнлай алава номинацийрай грамотаяр гана.
«Лезги газет»
