И йикъара Сулейман-Стальский райондин Испикрин хуьруьн ктабханада Дагъустандин халкьдин шаир СтIал Сулейманан 150 йисан юбилейдиз талукь шииратдин мярекат кьиле фена. Мярекат кьиле тухуник Испикрин ООШ-ди ва культурадин центради пай кутуна. Ана ктабханадин кIелчияр ва хуьруьн агьалияр авай.
Шииратдин мярекат ачухай ктабханадин заведующий Алена Мирземегьамедова кIватIхьанвайбуруз С.Сулейманан шииратдихъ авай маналувиликай итижлу саягъда ихтилатна. Ада къейдна хьи, СтIал Сулейман ХХ асирдин машгьур ксари чIехи къимет гайи Дагъустандин сад лагьай шаир я.
И юкъуз ктабханада шаирдиз талукь ктабрикайни шикилрикай ибарат выставкани, стендарни тешкилнавай. Мектебда кIелзавайбуруз зурба шаирдин уьмуьрдикай, кьисметдикай цIийи делилар чир хьана.
«Лезги газет»
