Дагъустандин Пенсийрин фондунай хабар гайивал, пенсиядиз 57 йис –тамам хьайила экъечIдай ихтияр са категориядиз — гзаф аялар авай дидейриз — ава.
“Алай вахтунда пенсийриз талукь яз кардик квай законодательстводал асаслу яз, вахтунилай вилик пенсиядиз экъечIдай ихтияр агьалийрин кьилдин категорийриз ава. Гьа гьисабдай яз 2019-йисан январдилай пенсийриз талукь законодательстводи тайинарнавай яшариз килигна гузвай страховой пенсия вахтунилай вилик, яни 57 йис тамам хьайила, къачудай ихтияр пуд аял ханвай ва абуруз 8 йисалди тербия ганвай дишегьлийриз ава”, — хабар гузва ПФР-дай.
Анай мадни алава хъувурвал, вахтунилай вилик пенсиядиз экъечIун патал кьве шартI важиблу я. “Амма 57 йис тамам хьайила, пенсиядиз экъечIун патал 15 йисалай тIимил тушиз страховой стаж ва 30-далай тIимил тушиз кьилди са касдинди тир пенсиядин коэффициент хьана кIанда”, — алава хъувуна Пенсийрин фондунай.
Чи мухбир
