17-октябрдиз Дербент райондин Белиж поселокда Советрин Союздин Игит Абас Исрафилован тIварунихъ галай школа-гимназияда игит рикIел хкунин (60 йис) мярекат кьиле фена. Ана Сулейман — Стальский райондин “афгъанвийрин” ветеранрин союздин председатель Ислеман Ризаева, адан заместитель Казбек Манатова, “афгъандин” женгерин иштиракчи Гьасан Гьажимирзоева иштиракна.
Мугьманри Игитдин гуьмбетдал школьникрихъ галаз санал цуьквер эцигна ва шикилар яна. Гуьгъуьнлай школа-гимназиядин залда Абас Исрафиловаз талукьарнавай кинофильм къалурна. Мярекатдин эхирдай гимназиядин директорди Игитдин 60 йисан юбилейдиз талукь мярекатда иштиракай виридаз сагърай лагьана.
Жемиля Багъишева (Ризаева)
