Муьжуьд тапас ва гзаф кьадарда вилер авай хушракан акурла, инсандиз ам такIан жеда. Бязибуруз лагьайтIа, и гьашарат гзаф кIанда ва кIвалин гьайвандин еринда хуьда. Алимри гьисабзавайвал, и ажайиб гьашаратрихъ чпин сирер ава. Хушраканрикай ингье са бязи итижлу делилар.
Дуьньяда хушраканрин 40 агъзурдалайни гзаф жуьреяр ава.
Чилида гъвечIи, зегьерлу хушраканар яшамиш жезва. Адет яз, абур руквар авай пипIера ацукьда.
Хушракандин бедендин кьудай са пай мефтIеди кьунва.
Япар авачирвиляй хушраканриз чпин кIвачерал экъечIзавай чIарарин куьмекдалди ван къвезва.
Хушраканрин бязи жуьреяр буьркьуь ятIани, муькуьбур вилерин акунин хцивилелди тафаватлу жезва.
Хушраканар вири уьлквейра ава.
Зегьерлу хушраканрин вири жуьрейрикай инсан патал анжах са кьадарбур хаталу я. Месела, — Россиядин сергьятра авай каракурт.
Италиядин Таранто шегьердин сергьятра чкIанвайвиляй хушраканрин са жуьредал тарантул тIвар акьалтна.
Гзаф хушраканар менфятлубур я, гьикI хьи, абуру зарарлу гьашаратар тергзава.
И гьашаратрикай виридалайни зегьерлуди, хаталуди хушракан-банан я.
Гьазурайди — Куругъли Ферзалиев
